*
*
*
واهني اللي عينه ماتذوق السهر
مهتني في منامه ماهو مثلي سهير
ان حلم في مباته حلم ليله ظهر
مبتسم في نهاره ما يلوم المصير
ماهو مثلي تشكى من حياة الكدر
ماهو مثلي على باب المحبه اسير
من ملاك ..ن.. بريئه دونها والبشر
حسنها الطاغي تعلى فوق حسن العبير
القمر من وصوفه وش يفيد القمر
لوتبي زوح نوره بالاصابع تشير
ان بقت هالثريا بس تامر امر
كل نجم ..ن.. تعلى بالحلى يستعير
يافهد كم لي اناجي والمسافه قهر
ليت عندي جناح..ن ..يم داره اطير
كيف اناجي وليفي وانا وسط الخبر
كيف اناجيك وانته خلف سودة عسير
لاصديقٍ يسليني ولا به خبر
عنه يمسح دموع..ن.. وسط خدي تسير
ان لقيته ليالي غاب عني شهر
من بعيد..ن.. اشوفه بين ناس..ن.. كثير
والله احساس قلبي حول شوفه صبر
يافهد تكفى متى لقيى الحبايب يصير
ليت المه بحضني وانسى حال..ن.. عثر
واسأله عن نبض قلبه باقي مثلي فطير
واساله عن سر حبي والا سري جهر
والمحه قدام عيني واعرف اني بخير
من صغر سني احبه لين قلبي كبر
من قديم..ن.. اوده يوم قلبي صغير
ماهقيت الحب يبري لين جاني القدر
رامي..ن.. قلبي لبابه مارضى يستشير
مابقى في خيالي غير خطة حبر
اكتب اشعار عنه تطفي نار السعير
اخلق اعذار دونه واحتمي بالعذر
ان طفت شمس حبه هالمشاعر تنير
واهني اللي عينه ماتذوق السهر
مهتني في منامه ماهو مثلي سهير
تحياتي وخالص ودي لكم
سمو المجد
,hikd hggd udki lhj`,r hgsiv