--------------------------------------------------------------------------------
السلام عليكم ورحمة الله
الصاحب اللي نساني نسيه الموت
في ذمتـي ذمـه إنـي مانسيتـه
لو للهوى محكمه ماهوب مبخـوت
مخطي ومبطي ويمدينـي شكيتـه
وأنا معي بيّنـه بالحـق وثبـوت
إنّه خذآ القلـب منـي ماعطيتـه
خذاه حـيّ ورده وسـط تابـوت
عليـه رسمـه وسكينـه فديتـه
مذبوح وانـا بليّـا قلـب بامـوت
وإن مت .. مايشعبه لـوّه وليتـه
الصوت ماينفعـه لافاتـه الفـوت
وإن قالو النـاس خلـك مانعيتـه
بالله يابو عيون سحـر هـاروت
برموشهـا والمحاجـر محتويتـه
ومبيسم من حلاتـه كنْـه ياقـوت
على صفـاة الثمـان المستميتـه
مع وجنتينٍ كمـا تفـاح بيـروت
والوجـه بـدرٍ تجلـى كمبليـتـه
ليه القطاعه وحبل الوصل مبتوت ؟
طاوعت قلبك على الهجر ونويته !
همّلتني يالغضي والحب طاغـوت
حاولـت أقاويـه لكـن ماقويتـه
الله يبيحك وانا لو توحي الصـوت
أموت واغلى الحبايـب ماجفيتـه
تحيتي العطره للجميع
سمو المجد
gdi hgr'hui ,pfg hg,wg lfj,j ?
