 |
 |
|
ياللي تخيلون البروق ياللي تخيلون البروق وتنشدون مـن العسـوس سحابةٍ هلّـت مابلّـت كبـد الارض رشاشهـا ولارعاها الا المطـرّف و الدوينـي والفلـوس والعالم اللي من حطبهـا مـا فَرقـت قشاشهـا سبحان من سخّر كبار الروس للـي مايـروس في حلةٍ يصعب حسـاب قصورهـا وعشاشهـا الله على بعض الكبود الخاليات مـن الحسـوس والله على بعض الثيـاب اللـي يهـول قماشهـا والله على صدرٍ تزاحمه الطـواري والهجـوس اللي مااعـرف حسـاب مقبلهـا ولامنحاشهـا وأطحن غثاها بالضلوع العوج وأميّـز واقـوس شورين !! شور يقول واجهّـا وشـورٍ ماشهـا وانا مااغِر ان الحميّـه طبـع والبِرقـه لبـوس للعالـم اللـي كلمـا صلّـت يزيـد اجهاشهـا واللي يقول ان الدلال تصَب والبـن محمـوس!! يعتاش من روس الضبا اللي يذكرون عراشهـا ماني من اللي ترخي الهامـات لكبـار النفـوس اللـي ليـا قـدّرت طيّبهـا بلشـت بلاشـهـا وان ضاقت الدنيا بروسٍ كلّها فـي سـدّ روس ماضاقت صدور العباد اللـي تسـوق ادباشهـا ماهوب بعيب انثمّن الوقفات في اليـوم العبـوس العيب لو نفـرش لخلـق اللّـه غيـر فراشهـا واللي يميّز في العلوم ويستفيـد مـن الـدروس خَلّه يعيش بلحظة ٍ تحسب علـى مـن عاشهـا وش قصّر يدين الوقوف وطوّل يدين الجلـوس؟ كل ٍ يشوف المرجلـه واللـي قِدَرهـا حاشهـا وان كان تبغون الذبيل اللي ورى الصدر محبوس اللي تذوب اله الحيـود الصـمّ لامـن ناشهـا؟ ماغيّر طبوع الرجـال الزاهديـن الاّ الفلـوس ولاهدم هيبة حصـون الـروم غيـر اوباشهـا تحيااااتي سمو المجد |
||
 |
 |
dhggd jodg,k hgfv,r