مـــــــــــــدري ويــــــــــــن اروح

ياللـي معـك ثمَنـت معنـى العـذوبـة
أنـا أعتبـر غيبتـك ساعـة / قطـاعـة
اشـواق قلبـي بالحسـاب امحسـوبـة
في كل يوم أربـع وعشريـن ساعـة
عليـك جمـر الشـوق شبَـت شبـوبـه
وأخـاف يحـرق خافـقـي بانـدلاعـه
أسـرح معـا ضـوَك ويعلـن غروبـه
وأسهـر وأنـا راجيـه يبـدي شعاعـه
ونومي لصوت الحب يعلن وجوبـه
لأجل استلذَ بصحوتـي فـي سماعـه
وطيفـك يذوَقنـي مـن الشهـد دوبــه
وأنــا عـروقـي لاحقـتـهـا مـجـاعـة
حبك عجوبـة وأنـت كلـك إعجوبـه
وأنـا قـنـوع ومـعـك مـامـن قنـاعـة
لامونـي اللـي هالحـيـاء مـادروابـه
يوم إن قلبـي صـار عجـل إندفاعـه
على ربيـع ن كـل مـزن ن يصوبـه
وِفقـت بـه مـن بعـد ماهـو طمـاعـه
لـو مـا لحظـوا بيديـه دبلـة خطوبـة
كـل ن تجاهـه قــام يـرفـع ذراعــه
ريضانـهـم تـقــول جـتـهـا عـقـوبـه
الروض يخضر عشب ويزين قاعه
تـضـاحـك وروده ومـلـيًـا جـيـوبـه
وبأنظـارهـم كـنـه تـعـاوى سـبـاعـه
أخـلـوا شمالـيـه وعـافــوا جـنـوبـه
ماسـر أحدهـم لجـل يفـرد شـراعـه
لــو إن والله مـابـه الـلــي يـشـوبـه
لـكـن لـكـل ن نـظـرتـه وإنطـبـاعـه
اللـي صدفتـه تصدفـه عـن دروبــه
مشـاعـره مـالـه عليـهـا إستـطـاعـه
يرضـى بغيـرك بـس فيهـا صعوبـة
يعنـي إذا ماطاعـه الـسـوق طـاعـه
سلمـت ياللـي كـل الأنظـار صوبـه
لـلـي عــن الباقـيـن بــان امتـنـاعـه
يعشقـك ليـن يوسـد الـراس طـوبـه
ويـدراك لاتــدري بسـاعـة وداعــه
لو قيـل شفنـا جنازتـه و إنتحـوا بـه
لا لاتـصــدق وإعتـبـرهـا إشــاعــة


تحيـــــــــــاتي

سمو المجد