ويل حآلي .. ويل حآلي .. ويل حآلي ..!

كيف حالك صار عقبي وكيف عقبك صار حالي



والا تدري مايهمـ إلا إني أعرف كيف حالك ؟


إنت لامن صرت طيّب أركد ويرتاح بالي



وإن غدت أيامـ عمري درب متعثر وحالك



في عيون اللي يحبك إنت أقرب للمثالي



ليت كل الناس مثلك أو على الأرجح مثالك



ليت عمري معك يوقف ياخي عقبك ما أبالي



دام حدتني ظروفي وأبعدتني عن نوالك



والخلايق عاندوني وصرت وحدي دون والي



ماقدرت الا اني اسكت لين أصبحت إمتهالك



إنت تدري عن غلاتك وأدري عندك إني غالي



وادري عن لهفة {خفوقك} لا اعبرت ذكراي بالك



يكفي إنك محتملني وإن تماديت بهبالي



والا قلي منهو مثلي يحتمل حتى هبالك



إنت في عيني شهامه ، احترام، وقدر عالي



ياعساني فدوتن لك..ياخي يا جعلي حلالك



ويل حالي من فراقك ويل حالي ... ويل حالي




لاذكرتك مختلي وداري إني ما أطالك



تدري وش بيكون ودّي لو بيعطوني سؤالي؟



شوفتك قدام عيني وأوقف للحظهـ قبالك..



















تقديري

سمو المجد