زفـــــــــرتـــــيـــــــــن وكـــــــــــلام

هذا الطفل في ضلوعه زفرتين ../ وكلام !
مدري ولكن عيونه .. خلفهن مايهيل !

ياصورته ليه اشوفك تكثرين الملام !
ابتسمي وازرعيني في مكانه نخيل !

لايخدعك عنفواني اشبهه بالتمام
شاعر بلاني زماني بالعذاب الثقيل !

عادي نشوف الملامح يعتريها غمام
عادي تكون الطفولة درب موحش طويل !

عادي يموت الشجر ماهز غصنه حمام
يترحمه كل فصل ماجلب له هديل !

عادي نمر المقابر مانقول السلام !
عادي نمر المآتم مانحس بعويل !

حنّا نعيش بزمانٍ موغلٍ بالظلام!
عقّد لنا هالطريق ولا عطانا دليل !

نمشي نوزع بعضنا في دروب الزحام
متحيزمين الغياب اللي رماه الخليل !

في ذاكرتنا وجيه فارقتنا تنام
لحباب صارت ملامحهم بقايا رحيل !

وبـْ أمكنتنا تناما الخوف والإنهزام
لين استحال الطموح لـْ/أمكنتنا يميل !

ياصورته ليت يدري هالطفل عن مقام
دمعه بعين المكان وعين شاعر نبيل !

ياصورته اهدنيه وخلي عينه تنام
غيره تغرّب صغير وعاش عمره ذليل !

ياصورته لو كتبنا مانعيشه تمام
ماكان شفتي كثير من المشاعر هزيل !


تحيــــــــاتي

سمو المجد